منتديات حبيب حياتي
غْـِـِـِيْـِـِـِر مُـِـِـِسَـِـِـِِجَـِـِـِل

لأنـنـآ نـعـشـقِ التـميز والـِمُـِمَـِيّـزِيْـטּ يشرفنـآ إنـظمـآمڪ معنـآ فيـﮯ مـنـتـديات | حبيب حياتي |

أثبـت تـوآجُـِدڪ و ڪـטּ مـטּ [ الـِمُـِمَـِيّـزِيْـטּ ..!

لـِڪي تـسـتـطـيـع أن تُـِتْـِِבـفَـِنَـِـِا [ بـِ موآضيعـڪ ومشارڪاتـڪ معنـِـِـِآ ]





 
الرئيسيةالبوابةاليوميةبحـثالمجموعاتالتسجيلدخول
*** اهلآ وسهلآ بكم احبائي في منتديات حبيب حياتي ***
***ادارة حبيب حياتي تفتح باب الاشراف على كل من يجد بنفسه الرغبه في احتلال المنصب ***

شاطر | 
 

  اصـــحـــاب الـــهيـم **مــن اجــــمل القــصــص الشــعبــيه **الـــوتـــر الحـــــزيــــن

اذهب الى الأسفل 
كاتب الموضوعرسالة
الوتر الحزين
مشـرف
مشـرف
الوتر الحزين

الدولة : السعودية
عدد المشـاركات : 96
التـقيم : 11

الـقوة : 5
27 / 10027 / 100

تاريخ التسجيل : 18/02/2012
المزاج المزاج : رايق

مُساهمةموضوع: اصـــحـــاب الـــهيـم **مــن اجــــمل القــصــص الشــعبــيه **الـــوتـــر الحـــــزيــــن   الثلاثاء 19 يونيو 2012 - 20:02

السلام عليكم ورحمه الله وبركاته
اخوانـــــي.
اعضاء ومشرفين وزوار منتديات حـبيب حياتي
اهلا ومرحباً بكم
في سالفه من موروثنا الشعبي
يقولون الروات
كان فيه واحد الله منعم عليه وساكن بقصر وعنده بيت صغير وعنده خدم وحشم وكرم
ويقال كان يضرب فيه الوصف من غناته
وتاجر وعنده املاك ومحلات كثيره في هاك الوقت
والقصر الطين من دورن
والرجال الله ما رزقه الا ولد واحد
والولد عايش في ترف ونعيم وعايش احلا عيشه
وفي ليله من اليالي الشايب اخذ له احد عمدان البيت
ويوديها لراعي الخشب ويقوله جوف لنا الخشبه هاذي
جوفها راعي المحل واخذها الشايبه ويجمع له
جنيهات وذهب ويحطها وسط الخشبه ويعلقها باسقف ويمد لها حبل ومبين وياخذ له طين شوي ويغطيها
ارمست الايام وكان الولد والشايب جالسين في الغرفه وساله الولد ليش يابوي ماد لك هاذا الحبل بالخشبه ومعلقا بالسقف
قال الشايب هاذا ياوليدي لك
قال لي
قال ايه اسمع وانا ابوك
اذا مت انا راح اترك لك القصر والدكاكين والمزارع والفلوس
مع العلم انها ماهي قاضيه انت وراك دراهم تعيش لها بلد
قال الشايب

لا تخل احد يهينك ويذلك
ولا تشتغل عند احد انت فلان ولد فلان
واذا
ضامت عليك اليالي وتستاوت تعال علق نفسك بالحبل
قال الولد ’يعني اموت يابوي
قال الشايب’ايه تموت لجل انك ترتاح من الدنيا هاذي
والشايب قاعد يوصيه ويوصيه
المهم مرت الايام وقدر الله وتوفي الشايب
والولد مايدري وش يسوي بالفلوس والدكاكين
وقام يفتح بيبان البيت
وقامو يجونه ويتكاثرون عنده المسايير
ومثل ماقال القاضي ....
حذراك خلاّن الرخا عدهم قوم
خلاّن مادامت نعيمة ودامى
إن أدبرت دنياك عدوك معدوم
مرّو ولا ردو عليك السلامى

المهم
الربع الي عنده يجونه ويخاونه ويضحكونه ويسؤلفون عليه
ويقولوه قصيد ويمدحونه
وواحد والله ابي بعير ابي احطب عليه يقوله خذ
وواحد والله ابي لي مزرعه قول خد
وواحد فلان يطلبني يقول خذ عطه
كل شي خذ خذ
وقام يبذخ من الفلوس ويفسق وما حس بطعم الفلوس
ولاجاته من عرق جبينه
ويوم كمل الحول صار ماعنده شي ولا قرش
والربع الي قبل يمرونه باليوم اربع مرات ما احد يجيه
والطيب الطيب فيهم يجيه كل بعد اسبوعين
وفي هالك الليله جمعهم وقال يارياجيل انا مثل ما تشفون
انا ماعندي ولاقرش وش الحل
قالو انت دلخ ما تحفظ فلوسك وتبذخ وقامو يحطون عليه لين قال بس وقالو القصر هاذا هو وحوشت ابوك ومجالسه مالك فيه حاجه بعه وتجيك الفلوس
ومن بكره قام باع القصر
ومن بعدها ربعه قامو يجونه مثل اول وكل ليله
يونسونه ويضحكونه ويسولفون عليه وكمل سنه وهو يفلس
ما عنده ما يتعشى وربعه تراجعو عنه ماقامو يجونه
وجمعم وقال ياربع السالفه اني ما عنجدي ولا قرش
وقامو يحطون عليه ياخبل يالي فيك مافيك
قال واحد منهم كئن فيه رحمه شوي قال اشتغل معنا نحطب ونبيعه بالسوق
قال تم قالو له جب معك غداك قال وش قالو اي شي خل الحرمه تخبز لك قال تم
ويوم اصبحت العرب وهو يروحون مجاميل الي يحطبون في هاك الوقت يقالهم مجاميل
ويعلمونه وهو في حياته ما عمره اشتغل لئنه ولد تاجر
ويعلمونه تجي للشجره منا وتقصها منا
المهم الولد قام يضرب بالفاس وتعب ويروح ياكل نص القرص الي معه ويلفها في الشماغ ويكمل
ويوم جاء نص الضحاء قامو ينادون لبعض هاتو هاجوركم هاتو هاجوركم الهاجور هو الغداء
ويوم شافو قرصه لقوه ماكلو وقالو له من الي اكله
قال الولد ياربع يوم اني انزل للشجره وإلا هاك الفار الي يطلع من جحره وياكل من القصر مثل ماتشوفون
قالو انت تكذب الفار وش لون ياكل القرص السميك
إلا قل انت وسخ ومروح انك ماكله انت
وقامو يهاوشون الولد وقالو له اذا هاذي سواتك لا عاد تجي معنا ولا نشوفك والولد حزت في خاطره وعاف الغداء وعاف كل شي وتساوت الدنيا عند ويركب ذلوله ويبكي وتذكر وصاة ابوه اذا ضامت عليك الليالي لا تخلي احد يهينك تعال تعلق بالحبل عشان تموت ارح لك ياوليد
ويوم دخل للديره وينصا هاك الغرفه ويجيب هاك المركا يوقف عليها ويربط نفسه ويوخر المركا وتعلق ويطيح الولد ويطيح علها الخشبه والذهب والجنيهات قامت تتناثر وملت الغرفه
وهو يجمعهن ويجلس ويهوجس قال اااه ابوي حكيم
عرف اني ماني فيد شغل وعرف ان الناس تبي تطمع بالفلوس
ويجمعهن ويروح للسوق ويشري دلال ومعاميل وقهوه الحطاطيب انهبلو ويشتري الحطب من خوياه
ويوم جاء عقب المغرب تجمعو ربعه وراحو يمه
قالو يافلان وش العلم قال الحمد الله رزقني في مال كثير
وقامو يسولفون عليه والله يافلان حنا يوم نطردك ونتكلم عليك انها من معزتك وحبك وهنا ماودنا نتعبك ياطويل العمر
الحين صار طويل العمر
المهم
قامو يجونه وعقب اربع ايام عزم خوياه قال ترى العشى عندي الليله لا احد ينساء قالو لا ماحنا ناسيكن
وياخذ له ,,هيم والهيم يستخدمونه البدو يكسرون الحصاء والبيوت الطين
اخذ الهيم وودها للصانع قبل يطلق عليه الصانع يعني الحداد
وقال اكسر لي راس الهيم وخله واااضح قال طيب
كسرها له الصانع واخذها للبيت
ويوم جو ربعه راعين النصب
وجلسو ويتقهون ويسؤلفون
قال الولد يا جماعه انا عندي لكم سالفه بس ما تصدقون
قالو حنا ما نصدقك انت لا لا انت ما تكذب ابد
قال عندنا لنا هيم حق ابوي الله يرحمه واليوم دخلت على الغرفه ولقيت الفار يقرض من الهيم شوف عيني يالربع
وقام وجاب لهم الهيم وقالو ماهي غريبه الفار .الفار يقرض كل
شي يقرض الهيم والحديد والحصا
قال الولد ...
ااااااااه يا اصحاب الهيم
ااااااه يااصحاب الهيم
ليش الفار يوم يقرض القرص هاك النهار ما صدقتوني
وليه يوم اني فلست نسيتوني ورجعتو يوم صار عندي دراهم
قالو ها وكل واحد يلتفت في خويه وماهوم مصدقين
وقال الولد والله والله
لو شفت واحد منكم قدام عيني ولا عند البيت
والله لا احش رجوله حش
انتم مانتم رياجيل انتم اصحاب الهيم
وتضرب هاذا المثل اصحاب الهيم
ورجع الولد وحفظ ماله وشرى قصر ابوه وشرى الدكاكين الي باعه
،،،،،،
اخوانــــــــــــي
اعذروني على الاطاله
وحلات السالفه بكمالهاا
واول مره اكتب قصه طويله مثل القصه هاذي
وانتظروني في سالفه اجمل بأذن الله
تحياتي لك
مـــــــــــــــــــــحـــــبكم
الـــــــــوتــــــر الحـــــــــزيــــــن

__________________
__________________




لَوّ يَعْلَمُ المُصَلّي مَا يَغْشَاهُ مِنَ الرَحَّمَةِ فِي سُجُودِهِ لَمَا رَفَعَ رأسَه!♥️


,,×..يابو متعب كلنا جنود للعيونك..×,,
الرجوع الى أعلى الصفحة اذهب الى الأسفل
امير البصري
مؤسس المنتدى
مؤسس المنتدى
امير البصري

الدولة : غير معروف
العذراء عدد المشـاركات : 1765
التـقيم : 107

الـقوة : 4
30 / 10030 / 100

تاريخ التسجيل : 15/02/2012
العمر : 30
الموقع : حبيب حياتي
۩ خدمة mms ۩ :
الاوسمة : لا يوجد
المزاج المزاج : دموع الحب أجمل إذا هي وجدت من يمسحها

مُساهمةموضوع: رد: اصـــحـــاب الـــهيـم **مــن اجــــمل القــصــص الشــعبــيه **الـــوتـــر الحـــــزيــــن   الثلاثاء 19 يونيو 2012 - 20:07

مره اعجبتني القصة بصراحه
الرجوع الى أعلى الصفحة اذهب الى الأسفل
http://habibhiati.co.cc.org
الوتر الحزين
مشـرف
مشـرف
الوتر الحزين

الدولة : السعودية
عدد المشـاركات : 96
التـقيم : 11

الـقوة : 5
27 / 10027 / 100

تاريخ التسجيل : 18/02/2012
المزاج المزاج : رايق

مُساهمةموضوع: رد: اصـــحـــاب الـــهيـم **مــن اجــــمل القــصــص الشــعبــيه **الـــوتـــر الحـــــزيــــن   الثلاثاء 19 يونيو 2012 - 20:23

حياك الله
اشكرك على تواجدك

وعلى تواصل لك الدائم
تحياتي

__________________
__________________




لَوّ يَعْلَمُ المُصَلّي مَا يَغْشَاهُ مِنَ الرَحَّمَةِ فِي سُجُودِهِ لَمَا رَفَعَ رأسَه!♥️


,,×..يابو متعب كلنا جنود للعيونك..×,,
الرجوع الى أعلى الصفحة اذهب الى الأسفل
 
اصـــحـــاب الـــهيـم **مــن اجــــمل القــصــص الشــعبــيه **الـــوتـــر الحـــــزيــــن
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات حبيب حياتي :: منتديات أدبية :: قصـص وروايات-
انتقل الى: